Hawliau myfyrwyr

Mae gen ti hawl i dderbyn tystysgrifau yn Gymraeg, er enghraifft, dy dystysgrif gradd.

Gall myfyrwyr gyflwyno gwaith i’w asesu neu i’w arholi yn Gymraeg. Os wyt ti'n dymuno cyflwyno aseiniadau neu sefyll arholiad yn Gymraeg ar fodiwl sy’n cael ei ddysgu yn Saesneg, bydd angen cyflwyno cais o fewn pedair wythnos i ddechrau’r modiwl(au) perthnasol (mewn achosion lle mae’r modiwlau yn rhedeg am gyfnod sy’n llai na phedair wythnos, rhaid cyflwyno cais wrth gofrestru ar gyfer y modiwl hwnnw). Ceir rhagor o wybodaeth yma.  

Mae gen ti hawl i dderbyn llyfryn Croeso yn Gymraeg.

Mae gen ti hawl i dderbyn ffurflenni yn Gymraeg, er enghraifft ffurflenni yr adran Rheoliadau Academaidd: Asesu a Chynnydd - Prifysgol Abertawe (swansea.ac.uk)

Mae gen ti hawl i dderbyn cymorth lles /cwnsela yn Gymraeg. Ceir rhagor o wybodaeth yma

Mae gen ti hawl i gael prosbectws yn Gymraeg. Gallwch ddod o hyd i’r prosbectysau yma.

Bydd myfyrwyr sy’n siarad Cymraeg yn derbyn tiwtor personol sydd hefyd yn siarad Cymraeg.

Mae gen ti hawl i ofyn i gael cyfarfodydd cyffredinol yn Gymraeg ynglŷn â materion nad ydynt yn ymwneud â chynnwys cwrs academaidd. Os oes angen, mae’n rhaid i’r Brifysgol drefnu gwasanaeth cyfieithu ar y pryd i dy alluogi i siarad Cymraeg yn y cyfarfod. Mae’n rhaid nodi fod angen i ti rhoi gwybod o flaen llaw os wyt ti angen y gwasanaeth, a dylai’r Brifysgol gynnig y gwasanaeth pan yn trefnu’r cyfarfod, gyda dyddiad i ymateb erbyn.

Mae gen ti hawl i dderbyn e-byst a llythyrau yn Gymraeg sy’n ymwneud â:

Derbyn a dewis myfyrwyr

les Myfyrwyr

Achosion disgyblu

Gwasanaeth gyrfaoedd

Llety, llyfrgelloedd a chanolfannau’r celfyddydau

Cwynion

Gwybodaeth am y brifysgol

Seremonïau graddio a gwobrwyo

Grantiau a chymorth ariannol.

Mae gen ti hawl i wneud cais am gymorth ariannol yn Gymraeg. Mae gan Arian@BywydCampws aelod o staff sy’n siarad Cymraeg i ateb ymholiadau dros y ffon, dros e-bost, neu wyneb-yn-wyneb yn eu sesiynau galw heibio. Mae’n bosibl cyflwyno cais am eu cronfeydd caledi yn Gymraeg ar eu gwefan:

Cronfeydd Caledi - Prifysgol Abertawe (swansea.ac.uk)

Am faterion Cyllid Myfyrwyr Cymru, rwyt ti’n gallu cysylltu â nhw yn Gymraeg yma:

Cysylltu â ni | Cyllid Myfyrwyr Cymru