Does dim angen cadw lle - dewch yn ddirybudd a mwynhewch! Archwiliwch ynni hydrogen, cwrdd â chŵn a chathod robotiaid, darganfyddwch sut oedd yr hen Eifftwyr yn mymïo’r meirw a dysgwch sut i garu cynrhon! Archwiliwch y gwaith ymchwil arloesol sy'n cael ei wneud ym Mhrifysgol Abertawe.
Blwch offer byd natur: Dysgwch ragor am sut gall cynnyrch naturiol helpu i greu dyfodol gwyrddach. Byddwn yn archwilio potensial cynnyrch naturiol o ficrobau, o beiriannau algaidd i ffyngau sy'n lladd trychfilod!
Cnoi Cil: Faint rydych chi'n meddwl am fwyd? Dewch i fwynhau byrbrydau gyda ni, wrth i ni archwilio'r wyddoniaeth sy'n gefndir i'r hyn rydym yn ei fwyta, ein dewis bwyd, y ffactorau sy'n sail i’n hymddygiad bwyta, a ffyrdd o fwyta deiet mwy iach a chynaliadwy.
Byddwn yn arddangos sut rydym yn bwriadu dal gwres o ddiwydiant a'i ddefnyddio i wresogi gofod. I ddangos hyn, byddwn yn cynnal digwyddiad rhyngweithiol lle gall cyfranogwyr gynhyrchu gwres o'n deunyddiau gan ddefnyddio eu hanadl.
Ydych chi'n meddwl y gallwch chi ddatrys Ciwb Rubik yn gynt na robot? Beth am sgorio gôl yn ein gêm pêl-droed robotiaid? Beth am raglennu twll mewn un gyda'n cwrs golff byr roboteg? Dewch i gymryd rhan ar ein stondin arddangosfa Technocamps!
Mae ein harddangosiadau a’n hadnoddau mathemategol llawn hwyl, swnllyd a rhyngweithiol yn diddanu ymwelwyr ac yn ennyn diddordeb mewn mathemateg gymhwysol. Gwneud mathemateg yn bleserus ac yn hygyrch i bawb.
Rydym yn cynnal cystadleuaeth godio ar gyfer pob grŵp oedran rhwng 7 ac 16 oed dros y penwythnos gyda gwobrau TG gwych i'w hennill, ac wrth gwrs bydd digon o weithgareddau ymarferol i chi gymryd rhan ynddynt, os nad ydych am fod yn rhan o'r gystadleuaeth. Peidiwch â cholli'r cyfle hwn!
Bwth carnifal ar gyfer plant cyn oed ysgol a phlant hŷn lle mae ymgeiswyr yn pysgota am hwyaid ac yna'n ateb cwestiwn ar y nwy cudd a restrir ar y gwaelod. Ceir gwobrau am yr atebion cywir.
Cyfle i yrru trenau ar ein rheilffordd fodel a dysgu sut mae ein system reilffordd glyfar yn gweithio.
Cyflwyno argraffydd 3D ar gyfer creadigrwydd STEM ag arlliw cyffrous! Ymunwch â ni i gael nwyddau brand am ddim, a hwyl wrth liwio a phaentio wynebau!
Pwy sy'n gwneud y ddaear dan eich traed? Y pethau bychain sy'n gwneud y pridd yn iach a'r blodau lewyrchu.
Dewch i ddarganfod sut gall hydrogen ein hatal rhag llygru pethau a darparu dyfodol gwyrdd ffyniannus!
Trowch eich ofn, eich anniddigrwydd neu'ch dirmyg tuag at gynrhon ar ei ben yn ein harddangosfa Caru Cynrhon sydd wedi'i threfnu gan Grŵp Ymchwil Cynrhon Prifysgol Abertawe
Taflwch y bagiau ffa at y targedau gwahanol i ddangos eich gwybodaeth am yr hyn sy'n effeithio ar blant iach a bywyd teuluol iach.
Dewch i'n gweithdy robotiaid i gyfarfod â'n cŵn robot a'n cath robot 8 troedfedd
Gweithgareddau allgymorth i godi proffil Seryddiaeth yn Abertawe gydag arddangosiadau o delesgopau a chyfarpar a ddefnyddir gan aelodau o Gymdeithas Seryddiaeth Abertawe.
Deall sut mae'r glust yn gweithio a pham mae rhai pobl yn fyddar neu'n drwm eu clyw? Dysgwch sut i ddweud eich enw yn Iaith Arwyddion Prydain
Dwlu ar Chwarae Gemau Fideo? Dewch draw i stondin Esports Wales a dysgu am y diwydiant chwarae gemau fideo yng Nghymru.
Darganfyddwch sut y bu i'r Eifftiaid hynafol fymiio eu meirw gyda'n mami ffug maint llawn
Ymunwch â ni i ddysgu mwy am y ffordd mae Peirianwyr a Gwyddonwyr Deunyddiau yn datblygu atebion ar gyfer dyfodol cynaliadwy. Ewch ati i ddefnyddio microsgopeg ac adeiladu eich teganau eich hun sydd wedi'u pweru gan fatris a'r haul
Dysgwch sut i adnabod rhywogaethau siarc drwy brofiad realiti rhithwir ymdrochol a ddyluniwyd ar gyfer Prosiect SIARC, gan fyfyrwyr MSc Prifysgol Abertawe. Gallwch archwilio, trin, ac ymchwilio i fanylion diddorol wyau siarcod sydd heb eu gweld erioed o'r blaen.
Efallai bydd y stondinau arddangos a nodir yn ddarostyngedig i newid. Os oes gennych sylwadau ar y tudalennau gwe hyn neu’r cynnwys, e-bostiwch swanseasciencefestival@abertawe.ac.uk
