Ein GIG, Ein Abertawe, Eich Dyfodol
Diwrnodau Agored IsraddedigRydym yn arwain y ffordd wrth hyfforddi'r genhedlaeth nesaf o weithwyr proffesiynol y GIG a Gofal Iechyd. Am bron i dri degawd rydym wedi bod ar flaen y gad wrth hyfforddi gweithlu yfory ar gyfer y GIG. P'un a ydych am ddod yn Wyddonydd Gofal Iechyd, â diddordeb mewn dod yn Feddyg, Nyrs neu Fydwraig yn Abertawe, mae dull arloesol ac ymroddiad i wella darpariaeth gofal iechyd yn ein gwneud yn fan delfrydol ar gyfer y cam cyntaf ar eich gyrfa i ddatblygu'r GIG a gofal iechyd ar gyfer ein anghenion i'r dyfodol.
Cofrestrwch nawr
Dod yn …
Os na fedrwch aros am ein sgyrsiau Arddangosfa Gyrfaoedd Clinigol, mae ein Canllawiau Cyflym wedi'u cynllunio i'ch helpu chi i archwilio'r cyrsiau y tu ôl i bob gyrfa gydag atebion i gwestiynau cyffredin y mae llawer o ymgeiswyr yn eu gofyn i'ch helpu chi i ddeall mwy am y gyrfaoedd hyn, beth mae'n ei gymryd i gyrraedd yno a pha ddrysau a allai fod ar agor i chi wedi i chi gymhwyso.
Ffordd Amgen i Ddod yn Feddyg
Os oes gennych ddiddordeb mewn bod yn Feddyg ac astudio Meddygaeth yn Abertawe, gallai ein cyrsiau Llwybrau at Feddygaeth fod yr opsiwn i chi. Bydd ein Llwybrau at Feddygaeth yn rhoi cyfweliad gwarantedig i fyfyrwyr sy'n bodloni'r gofynion mynediad sylfaenol ar gyfer ein rhaglen Meddygaeth Mynediad i Raddedigion i astudio ein rhaglen Meddygaeth a dod yn Feddyg.
P'un a ydych am fod ag angerdd am wyddor bywyd yr hoffech ei ddilyn, nad oes gennych y cymysgedd cywir o Lefelau A, neu nad ydych wedi llwyddo i gael cyfweliad ar gyfer Meddygaeth israddedig, efallai mai ein Llwybrau at Feddygaeth yw'r cwrs iawn i chi.
Archwiliwch ein Llwybrau at FeddygaethWyddoch chi?
Oeddech chi'n gwybod bod ystod o'n Cyrsiau Gofal Iechyd yn cael eu hariannu'n llawn gan Gynllun Bwrsariaeth y GIG.
Gwyddorau Gofal Iechyd
Bydwreigiaeth
Nyrsio
.jpg)
Therapi Galwedigaethol
Ymarferwr Adran Lawdriniaeth
Gwyddor Barafeddygol
.jpg)
Mae Ymarferwyr Gwyddor Gofal Iechyd yn cyflawni rôl hanfodol wrth atal, diagnosio a thrin nifer enfawr o gyflyrau meddygol, gan gydweithio â meddygon, nyrsys a gweithwyr iechyd proffesiynol eraill. Os ydych chi'n frwdfrydig iawn am wyddoniaeth a thechnoleg, ac yn ffynnu pan fyddwch yn helpu pobl eraill, gallai ein Graddau Gwyddorau Gofal Iechyd a ariennir gan Gynllun Bwrsariaethau GIG Cymru fod yn ddelfrydol i chi.
Graddau sydd ar gael:
- Gwyddor Gofal Iechyd (Ffisioleg Gardiaidd), BSc (Anrh.)
- Gwyddor Gofal Iechyd (Meddygaeth Niwclear), BSc (Anrh.)
- Gwyddor Gofal Iechyd (Niwroffisioleg), BSc (Anrh.)
- Gwyddor Gofal Iechyd (Ffiseg Radiotherapi), BSc (Anrh.)
- Gwyddor Gofal Iechyd (Ffisioleg Anadlu a Chysgu), BSc (Anrh.)
- Gwyddor Gofal Iechyd (Peirianneg Adsefydlu) BSc (Anrh.)
Os oes gennych chi ddiddordeb mewn bod yn Fydwraig, mae ein cwrs Bydwreigiaeth wedi'i ariannu gan Gynllun Bwrsariaethau GIG Cymru. Bydd ein gradd mewn Bydwreigiaeth yn eich arfogi chi â'r wybodaeth, y sgiliau a'r ddealltwriaeth i gefnogi mamau yn ystod beichiogrwydd, genedigaeth a phan fydd eu baban newydd yn cyrraedd. Mae gan ein cwrs enw da rhyngwladol ac mae yn y 13eg lle yn y rhestr o gyrsiau gorau’r DU.
Tudalen y cwrs:
Mae nyrsio yn broffesiwn i bobl sy'n frwdfrydig am helpu a chefnogi eraill pan fydd ei angen arnynt. Os oes gennych ddiddordeb mewn ymuno â'r Genhedlaeth nesaf o Nyrsys GIG Cymru, mae ein Graddau Nyrsio wedi'u hariannu gan GIG Cymru.
Cyrsiau sydd ar gael:
Mae Therapyddion Galwedigaethol yn grymuso pobl i ddatblygu, cynnal neu wella ystod amrywiol o weithgareddau sy'n berthnasol ac yn ystyrlon yn eu bywydau bob dydd, o hunanofal sylfaenol gartref i weithgareddau sy'n gysylltiedig â gwaith, hobïau a mwy.
Tudalen Cwrs:
Mae Ymarferwyr Adrannau Llawdriniaeth yn darparu gofal a chymorth medrus a chyfannol i gleifion ar bob cam o lawdriniaeth, o anestheteg, trwy gydol llawdriniaeth ac i adferiad. Maent yn chwarae rhan hollbwysig yng ngallu’r ysbyty i wneud llawdriniaethau gan eu bod hefyd yn gweithio fel rhan o’r tîm llawdriniaeth ac yn cysylltu’r tîm hwn â thimau ac adrannau eraill yn yr ysbyty.
Tudalen Cwrs:
Bydd Gwyddor Barafeddygol yn eich addysgu chi am anatomeg, ffisioleg, prif systemau'r corff a'r cyflyrau sy'n effeithio arnynt, ac yn eich galluogi chi i nodi cyflyrau sy'n peryglu bywyd. Mae ein gradd a ariennir gan Fwrsariaeth y GIG yn ddelfrydol i bobl sydd am wneud gwahaniaeth i rywun mewn argyfwng a defnyddio eu gwybodaeth i helpu i achub bywydau a gwella iechyd a lles cleifion.
Tudalen y cwrs:
Ariannu eich gyrfa yn y GIG
Mae amrywiaeth o gyfleoedd ariannu os byddwch yn dewis astudio tuag at yrfa o fewn y GIG:
Eich Cyfweliad
Rydym yn cyfweld ag ymgeiswyr ar gyfer llawer o'n cyrsiau, gan gynnwys Nyrsio, Gwyddorau Gofal Iechyd, Fferylliaeth a Gwaith Cymdeithasol.
Rydym wedi creu canllaw 'tips cyfweliad' i roi gwybod i chi beth i'w ddisgwyl o'ch cyfweliad, a sut y gallwch baratoi'n well.
Awgrymiadau Cyfweliad
