Croeso i dudalennau gwe DEAF, rydym yn ganolfan ymchwil B/byddar cydweithredol. Rydym yn gweithio gyda’n gilydd ar brosiectau ymchwil i ddarganfod a gwella iechyd a phrofiadau bywyd pobl F/byddar. Rydym yn canolbwyntio ar fynediad ac ymchwil sy'n effeithio ar iechyd emosiynol.
Rydym yn gysylltiedig â Grŵp Ymchwil BSL a Byddar Cymru ac yn rhan o brosiect Iechyd a Lles Byddar Cymru.
Mae pobl F/byddar a thrwm eu clyw wedi egluro’r heriau niferus y maent yn eu profi mewn gwasanaethau iechyd a gofal y mae angen eu gwella. Pan fydd gweithwyr staff yn derbyn yr hyfforddiant cywir ac yn dod yn ymwybodol o Fyddardod, yna mae staff yn gallu cyfathrebu’n fwy effeithiol â phobl F/byddar sy’n gwneud gwahaniaeth cadarnhaol i bawb.
Mae ein myfyrwyr PhD yn gwneud gwaith hynod ddiddorol hefyd ac yn datblygu adnoddau yng Nghymru a fydd o fudd i bobl F/byddar pan fyddant yn yr ysbyty.
Mae grŵp Iechyd Meddwl a Lles Byddar Cymru yn grŵp o weithwyr proffesiynol Byddar a chlyw sy'n gweithio gyda'i gilydd. Maent wedi ysgrifennu adroddiad gyda'r nod o gychwyn deialog gyda Llywodraeth Cymru i wella iechyd meddwl pobl Fyddar yng Nghymru. Gellir gweld y crynodeb gweithredol yma:
Gwyliwch y fideo fer hon i ddarganfod pam mae iechyd meddwl mor bwysig.
Rydym yn ymgysylltu’n rheolaidd â chymunedau B/byddar a thrwm eu clyw ac mae gennym nifer cynyddol o ymchwilwyr B/byddar. Mae gennym stondin yng Ngŵyl Wyddoniaeth Abertawe bob blwyddyn i ddysgu mwy i’r cyhoedd am fod yn Fyddar, i rannu canfyddiadau ymchwil ac i’w hannog i ddod yn fwy ymwybodol o Fyddardod ac i ddysgu BSL mewn Canolfannau Lleol i Bobl Fyddar.
Os oes gennych ddiddordeb, e-bostiwch BeDeafAware@swansea.ac.uk
Am wybodaeth bellach cysylltwch â Dr Julia Terry
Julia Terry yw Cyfarwyddwr y ganolfan ymchwil anghydraddoldebau iechyd Mynd i’r Afael â Byddar. Mae Julia yn weithiwr clyw proffesiynol, ar hyn o bryd yn astudio BSL Lefel 4. Mae Julia yn gweithio'n helaeth gyda chymunedau B/byddar a chlyw ledled Cymru, y DU ac yn rhyngwladol.
Cymdeithas Iechyd Meddwl a Byddardod Prydain (BSMHD) yw'r unig elusen yn y DU sy'n canolbwyntio'n llwyr ar hybu iechyd meddwl cadarnhaol pobl Fyddar.
