Y Gyfraith gyda Gwleidyddiaeth gyda Blwyddyn Sylfaen, LLB (Anrh)

Ymgeisio

Diwrnod Agored

Cadwch Mewn Cysylltiad

Gradd yn y gyfraith yn archwilio'r Gyfraith a Gwleidyddiaeth

Manylion Allweddol y Cwrs

4 Blynedd Llawn Amser Gyda Blwyddyn Sylfaen

Côd UCAS: MPPF
Dull Astudio: Ar y Campws
Cynnig Nodweddiadol (gweler dewisiadau arall): AAB-BBB
Lleoliad: Campws y Bae

Dyddiad Dechrau	Ffioedd Dysgu - Blwyddyn 1
Med 2024	£ 9,000

4 Blynedd Llawn Amser Gyda Blwyddyn Sylfaen

Côd UCAS: MPPF
Dull Astudio: Ar y Campws
Cynnig Nodweddiadol: AAB-BBB - Gwybodaeth Rhagor
Lleoliad: Campws y Bae

Dyddiad Dechrau	Ffioedd Dysgu - Blwyddyn 1
Med 2024	£ 16,550

Trosolwg o'r Cwrs

Os nad ydych yn ennill y graddau angenrheidiol i gofrestru ar y rhaglen LLB yn y Gyfraith gyda Gwleidyddiaeth i israddedigion, gallai'r rhaglen hon dros bedair blynedd, gan gynnwys Blwyddyn Sylfaen, fod yn addas i chi.

Mae'r Flwyddyn Sylfaen yn ffordd ardderchog o feithrin yr wybodaeth a'r sgiliau sy'n angenrheidiol i ddechrau'r radd LLB; cewch gyflwyniad i themâu allweddol yn y gyfraith, yn ogystal â chyfleoedd i feithrin sgiliau newydd a fydd yn ddefnyddiol drwy gydol eich gradd israddedig.

Mae'r Flwyddyn Sylfaen yn cael ei haddysgu yn Y Coleg, ar Gampws y Bae'r Brifysgol. Ar ôl i chi gwblhau'r flwyddyn hon, byddwch yn symud i Ysgol y Gyfraith ar Gampws Singleton am weddill eich rhaglen astudio.

Yn ystod y tair blynedd ddilynol, byddwch yn meithrin dealltwriaeth gynhwysfawr o feysydd craidd gradd yn y Gyfraith. Wrth i'ch astudiaethau fynd rhagddynt, gallwch ddewis o blith ystod eang o feysydd pwnc arbenigol yn y gyfraith gyda rhestr helaeth o dros 40 o fodiwlau dewisol i ddewis ohonynt.

Ochr yn ochr â hyn, byddwch yn astudio agweddau allweddol ar wleidyddiaeth Prydain a rhyngwladol, polisi cyhoeddus, damcaniaeth wleidyddol, athroniaeth, a heddwch a gwrthdaro.

Mae pob un o'n rhaglenni israddedig yn y Gyfraith yn cynnwys sylfeini gwybodaeth gyfreithiol y mae eu hangen i ddechrau yn y proffesiwn cyfreithiol. Mae ein rhaglenni'n darparu sylfaen gref i fyfyrwyr a allai ddymuno sefyll Arholiadau Cymhwyso Cyfreithwyr (SQE) yn y dyfodol, ac maent yn bodloni'r cam academaidd o'r hyfforddiant sy'n ofynnol gan Fwrdd Safonau'r Bar i'r rhai sy'n dymuno dod yn fargyfreithwyr.

Pam y Gyfraith gyda Gwleidyddiaeth gan gynnwys Blwyddyn Sylfaen yn Abertawe?

Fel myfyriwr ar raglen Sylfaen, byddwch yn elwa o fod yn rhan o amgylchedd addysgu amrywiol, gan astudio mewn cyfleusterau o'r radd flaenaf ar ein Campws y Bae y buddsoddwyd £450 miliwn ynddo. Byddwch yn treulio blwyddyn ar y rhaglen Sylfaen sy'n canolbwyntio'n llwyr ar eich paratoi i ymgymryd â'ch gradd LLB israddedig.

Mae gan Brifysgol Abertawe enw da sefydledig a chynyddol am addysgu ac ymchwil yn y gyfraith a gwleidyddiaeth, ac mae'n cael ei chydnabod yn gyson fel ffynhonnell arbenigedd sy'n cael effaith ar bolisi ac ymarfer mewn ystod amrywiol o feysydd. Hefyd rydym yn hollol ymrwymedig i wella dysgu ac addysgu’n barhaus, ac i roi myfyrwyr wrth wraidd ein gweithgareddau.

Mae'r Gyfraith yn Abertawe wedi'i rhestru:

8fed yn y DU am y Gyfraith* (Longitudinal Education Outcomes (LEO) 2021/22)
12fed yn y Deyrnas Unedig ar gyfer Ansawdd Addysgu (Times Good University Guide 2024)
13fed yn y Deyrnas Unedig ar gyfer Profiad Myfyrwyr (Times Good University Guide 2024)
150 Gorau yn y byd (QS World Rankings 2024), a
Mae 94.6% o fyfyrwyr a astudiodd y Gyfraith mewn cyflogaeth, addysg bellach neu’r ddwy (Longitudinal Education Outcomes (LEO) 2021/22), a
90% o Raddedigion yn Gweithio a/neu'n Astudio 15 Mis ar ôl Gadael Prifysgol Abertawe (HESA 2023)

Mae Gwleidyddiaeth yn Abertawe:

Yn 4ydd yn y DU am Foddhad Myfyrwyr (Complete University Guide 2025)
Ymysg y 15 gorau yn y DU o ran Rhagolygon Graddedigion (Complete University Guide 2025)
Mae 92% o raddedigion mewn cyflogaeth a/neu'n astudio, neu'n ymgymryd â gweithgareddau eraill, megis teithio, 15 mis ar ôl gadael Prifysgol Abertawe (HESA 2023)

*yn seiliedig ar sefydliadau addysg uwch

Eich Profiad o'r Gyfraith gyda Gwleidyddiaeth gan gynnwys Blwyddyn

Caiff myfyrwyr eu haddysgu mewn dosbarthiadau llai yn ystod y Flwyddyn Sylfaen, sy'n caniatáu profiad mwy personol. Cewch gyfle i feithrin sgiliau hanfodol drwy fodiwlau megis Meddwl Beirniadol, Cymorth TG, a Chyfansoddi ac Arddull.

Yn ogystal â hyn, cewch gyflwyniad i gysyniadau a therminoleg cyfreithiol, drwy amrywiaeth o themâu addysgu sy'n cynnwys Sgiliau Cyfreithiol, Cyfraith Contract a Chyfraith Trosedd.

Ar ôl i chi symud ymlaen i'ch gradd LLB yn y Gyfraith, mae Ysgol y Gyfraith yn cynnig amrywiaeth eang o gyfleoedd i chi ymgymryd â nhw; o leoliadau sy’n seiliedig ar ymchwil, i weithio gyda chleientiaid, i ddatblygu sgiliau eiriolaeth ac eraill. Mae ein Clinig Cyfreithiol ffyniannus yn cynnig cyfle i fyfyrwyr fod yn rhan o roi cyngor i gleientiaid ac mae gennym raglenni allgyrsiol gan gynnwys dadlau mewn ffug lys barn, negodi a chyfweld.

Byddwch yn astudio yn un o’r adrannau yn y Deyrnas Unedig a ddewiswyd i gynnig modiwl Astudiaethau Seneddol Prydain, lle cewch eich addysgu gan ein staff academaidd arbenigol ac Aelodau Seneddol. Byddwch hefyd yn ymweld â Thŷ'r Cyffredin. Bydd gennych hefyd yr opsiwn cystadleuol i ymgymryd â modiwl lleoliad gwaith yn Senedd Cymru, gan weithio'n agos gydag Aelodau o'r Senedd.

Mae strwythur hyblyg ein gradd israddedig, gyda’i hystod helaeth o fodiwlau dewisol yn y flwyddyn olaf, yn rhoi digon o gwmpas i chi deilwra eich astudiaethau i’ch diddordebau penodol, eich nodau gyrfa neu’ch uchelgeisiau.

Rydym yn cynnig amrywiaeth o gyfleoedd lleoliadau gwaith ychwanegol mewn amrywiaeth eang o sefydliadau.

Drwy gydol y rhaglen pedair blynedd, rydym yn cynnig amgylchedd a chymuned dysgu cynhwysol sy'n canolbwyntio ar fyfyrwyr. Caiff modiwlau eu haddysgu a’u hasesu mewn amrywiaeth o ffyrdd gwahanol a chewch eich annog i gymryd cyfrifoldeb am eich dysgu eich hun, i weithio’n annibynnol yn ogystal ag ar y cyd ag eraill, i ymddwyn yn broffesiynol a meistroli sgiliau newydd.

Cyfleoedd Cyflogaeth Y Gyfraith gyda Gwleidyddiaeth gyda Blwyddyn Sylfaen

Gall astudio am radd yn y Gyfraith arwain at amrywiaeth o yrfaoedd. Ein nod ni yw arfogi myfyrwyr â’r sgiliau amrywiol i wella eu rhagolygon fel graddedigion. Mae ein graddedigion yn dod o hyd i swyddi mewn amrywiaeth eang o yrfaoedd, gan gynnwys y canlynol:

bargyfreithiwr, gwas sifil, gweithredwr cyfreithiol, gweithiwr paragyfreithiol, heddwas, swyddog carcharorion, ymchwilydd, cyfreithiwr, brocer stoc neu swyddog safonau masnach

Mae ychwanegu safbwynt gwleidyddol at eich gradd hefyd yn agor drysau i yrfaoedd mewn:

Addysg, Llywodraeth a Gwleidyddiaeth, Sefydliadau Dyngarol, Busnes, y Cyfryngau a Chysylltiadau Cyhoeddus, neu Wasanaethau Cyhoeddus

Modiwlau

Eich blwyddyn astudio gyntaf fydd eich Blwyddyn Sylfaen yn Y Coleg. Mae hyn yn cynnwys cymysgedd o themâu cyfreithiol allweddol, ynghyd â'r wybodaeth a'r sgiliau sy'n ofynnol i lwyddo yn eich gradd.

Ar ôl cwblhau'ch Blwyddyn Sylfaen yn llwyddiannus, byddwch yn symud i Ysgol y Gyfraith i gwblhau eich gradd LLB.

Mae blynyddoedd 2 a 3 yn cynnwys meysydd craidd gradd yn y Gyfraith, gyda'r opsiwn i ddewis rhai o'ch modiwlau eich hun yn ystod blwyddyn 3.

Mae blwyddyn 4 yn cynnwys modiwlau dewisol yn unig, gan roi cyfle i chi lywio eich dysgu eich hun, gyda mwy na 30 i ddewis ohonynt.

Blwyddyn 0 (Lefel 3)

Entry Level 3 / Foundation Year

Modiwlau Gorfodol

Enw'r Modiwl	Hyd y Modiwl	Credydau	Cod y Modiwl
Legal Skills 1	September-January (TB1)	15	LAA001
Legal System	September-January (TB1)	15	LAA002
Academic Writing	September-January (TB1)	15	LAA003
Critical Thinking	September-January (TB1)	15	LAA004
IT Support	September-January (TB1)	0	LAAN01
Contract Law	January-June (TB2)	10	LAA005
Public Law	January-June (TB2)	10	LAA006
Legal Skills 2	January-June (TB2)	20	LAA007
Law of Tort	January-June (TB2)	10	LAA009
Resilience	The College - Autumn Term (Sep - Dec)	0	LAAN02
Criminal Law	The College - Spring Term (Jan - April)	10	LAA008

Blwyddyn 3 (Lefel 6)

FHEQ 6 Undergraduate / Honours

Mae myfyrwyr yn dewis 120 o gredydau o'r opsiynau canlynol:

Modiwlau Gorfodol

Enw'r Modiwl	Hyd y Modiwl	Credydau	Cod y Modiwl
Researching Politics 1	September-January (TB1)	20	PO-3319

Modiwlau Opsiynol

Law Options - Semester 1

Dewiswch Yn union 40 o gredydau o'r Modiwlau a ganlyn:

SYLWER :Select 40 credits from the list below:

Enw'r Modiwl	Hyd y Modiwl	Credydau	Cod y Modiwl
Family Law: Adult Relationships	September-January (TB1)	20	LAA302
Commercial Sales	September-January (TB1)	20	LAA303
Cyfraith Hywel	September-January (TB1)	20	LAA305
Environmental Law 1 - Regulatory Law Approaches	September-January (TB1)	20	LAA310
Employment Law: Rights and Obligations	September-January (TB1)	20	LAA314
Counter-terrorism Law	September-January (TB1)	20	LAA320
Criminal Evidence	September-January (TB1)	20	LAA321A
Human Rights Law	September-January (TB1)	20	LAA324
Cybercrime	September-January (TB1)	20	LAA328
Medical Law	September-January (TB1)	20	LAA330
International Law - Principles and Procedures	September-January (TB1)	20	LAA333
Jurisprudence	September-January (TB1)	20	LAA335
Company Law: Incorporation, Constitution and Control	September-January (TB1)	20	LAA336
Law dissertation	September-June (TB1+2)	20	LAA339
Clinical Legal Education	September-January (TB1)	20	LAA366
Street Law	September-January (TB1)	20	LAA368
Advocacy	September-January (TB1)	20	LAA393
Law of Succession	September-January (TB1)	20	LAA398

AND

Law Options - Semester 2

Dewiswch Yn union 40 o gredydau o'r Modiwlau a ganlyn:

SYLWER :Select 40 credit from the list below:

Enw'r Modiwl	Hyd y Modiwl	Credydau	Cod y Modiwl
Family Law: Parents & Children	January-June (TB2)	20	LAA301
World Trade Law	January-June (TB2)	20	LAA304
Law, Science and Technology (LST)	January-June (TB2)	20	LAA3101
Employment Law: Enforcing Rights	January-June (TB2)	20	LAA315
Negotiations	January-June (TB2)	20	LAA317
Criminal Evidence Law and Psychology	January-June (TB2)	20	LAA323A
Foundations in Legal Practice	January-June (TB2)	20	LAA326
Media Law	January-June (TB2)	20	LAA327
Human Rights & Social Justice	January-June (TB2)	20	LAA329
Company Law: Governance, Rights and Liquidation	January-June (TB2)	20	LAA337
Cymraeg y Gyfraith	January-June (TB2)	20	LAA348
Clinical Legal Education	January-June (TB2)	20	LAA367
Intellectual Property Law	January-June (TB2)	20	LAA391
The Law of Devolution in Wales	January-June (TB2)	20	LAA395
Medical Law: Reproduction	January-June (TB2)	20	LAA399

AND

Politics Options

Dewiswch Yn union 20 o gredydau o'r Modiwlau a ganlyn:

SYLWER :Select 20 credits from:

Enw'r Modiwl	Hyd y Modiwl	Credydau	Cod y Modiwl
Shadow Wars: US Presidents and covert action from the Cold War to Trump	January-June (TB2)	20	PO-3316
Researching Politics 2	January-June (TB2)	20	PO-3320
America and the Bomb	January-June (TB2)	20	PO-3334

Gofynion Mynediad

Ein gofyniad safonol yw 2 Safon Uwch â graddau DD (48 pwynt UCAS ar o leiaf lefel UG TAG) neu gyfwerth. Ystyrir pob cais yn unigol, gan roi sylw i raddau TGAU, pynciau a graddau UG, profiad gwaith, geirdaon a datganiadau personol.

Mae'n ofynnol i ymgeiswyr nad Saesneg yw eu hiaith gyntaf ennill sgôr IELTS o 6.0 neu uwch, gydag o leiaf 5.5 ym mhob cydran neu brawf iaith Saesneg cyfwerth cymeradwy. Rydym yn cynnig ystod o raglenni hyfforddiant cyn-sesiynol i fyfyrwyr sy’n methu’r gofyniad iaith Saesneg yn unig a gallwch ymgymryd â'r rhain cyn dechrau’ch rhaglen radd.

Sut byddwch chi'n cael eich dysgu

Ein nod yw darparu profiad addysgol rhagorol, gan ddefnyddio'r dulliau dysgu ac addysgu mwyaf effeithiol, wedi'u teilwra'n ofalus i ddiwallu anghenion penodol eich cwrs.

Yn ystod eich gradd, cewch eich addysgu drwy ddarlithoedd, seminarau a gweithdai, sy'n cael eu cynnal wyneb yn wyneb, gan alluogi gweithio mewn grŵp a chyflwyniadau. Cynhelir darlithoedd mewn sesiynau grŵp mwy, mewn darlithfa. Mae cynnwys y cwrs yn cael ei archwilio'n fanylach mewn seminarau i grwpiau bach, gan alluogi trafodaeth bellach â'ch cyfoedion.

Mae recordiadau o ddarlithoedd ar gael ar gyfer bron pob modiwl, sy'n eich galluogi i ailedrych ar ddeunydd i adolygu ar gyfer asesiadau ac i ehangu dysgu y tu allan i'r ystafell ddosbarth. Mae gan rai modiwlau adnoddau ychwanegol yn Canvas, megis fideos, sleidiau a chwisiau sy'n galluogi rhagor o hyblygrwydd wrth astudio.

Mae'r dulliau asesu yn y rhaglen hon yn cynnwys traethodau ac arholiadau traddodiadol, ond maent hefyd yn cynnwys dulliau eraill gan gynnwys arholiadau amlddewis, ymarferion myfyriol a chyflwyniadau.

Mae'r cwrs hwn yn cynnig rhai modiwlau sy’n cael eu haddysgu drwy gyfrwng y Gymraeg neu'n ddwyieithog i fyfyrwyr sy'n siarad Cymraeg yn rhugl. Am ragor o fanylion am y ddarpariaeth sydd ar gael, gweler yr ehangwr Darpariaeth Gymraeg isod.

Darpariaeth Gymraeg

O leiaf 40 credyd

Mae'n bosib astudio o leiaf 40 credyd o'r cwrs hwn trwy gyfrwng y Gymraeg. Mae Academi Hywel Teifi yma i'ch cefnogi trwy gydol eich amser ym Mhrifysgol Abertawe. Rydym yn cynnig:

Mynediad at ysgoloriaethau a bwrsariaethau hael ar gyfer astudio trwy gyfrwng y Gymraeg.
Mynediad at fodiwlau a addysgir yn gyfan gwbl neu'n rhannol yn Gymraeg.
Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Lawrlwythwch yr ap am ddim drwy'r App Store a Google Play.
Tiwtor Personol Cymraeg ei iaith.
Cyfle i ennill cymhwyster ychwanegol sy'n dystiolaeth o'ch gallu yn yr iaith Gymraeg i gyflogwyr.
Cyfle i fod yn aelod o Gangen Prifysgol Abertawe o'r Coleg Cymraeg Cenedlaethol.
Cyfle i gyfrannu at weithgaredd a bywiogrwydd cymuned Gymraeg y Brifysgol ac ennill Gwobr Academi Hywel Teifi.

I ddysgu mwy am yr uchod a'r holl gyfleoedd sydd ar gael i chi trwy gyfrwng y Gymraeg, ewch i dudalennau israddedig Academi Hywel Teifi

Os byddwch yn astudio o leiaf 40 credyd yn Gymraeg ac mae'r cwrs wedi'i restru fel cwrs cymwys ar y dudalen we, gallwch gyflwyno cais am Ysgoloriaeth Academi Hywel Teifi (£300 am flwyddyn), neu Ysgoloriaeth Cymhelliant y Coleg Cymraeg (£500 y flwyddyn am 3 blynedd).

Cwrdd â'ch Darlithwyr

Arbenigwyr sy’n addysgu ein graddau ni, y mae rhai ohonynt yn ymarferwyr profiadol ac y mae ganddynt oll gyfoeth o wybodaeth gyfreithiol i’w throsglwyddo i’n myfyrwyr.

Ceir rhagor o wybodaeth am ein harbenigedd academaidd ar dudalennau staff Ysgol y Gyfraith ac Ysgol y Gwyddorau Cymdeithasol.

Ffioedd Dysgu

Dyddiad Dechrau	D.U.	Rhyngwladol
Medi 2024	£ 9,000	£ 16,550

Gellir codi ffioedd myfyrwyr Israddedig y DU/UE llawn amser yn chwyddiannol mewn blynyddoedd astudio i ddod. Penderfynir ar y swm gan Lywodraeth Cymru.

Bydd ffioedd ar gyfer myfyrwyr Rhyngwladol Israddedig yn cynyddu 3% ar gyfer pob blwyddyn ddilynol o astudio.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Ariannu ac Ysgoloriaethau

Mae’n bosib eich bod yn gymwys i gael cymorth ariannol tuag at eich astudiaethau.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Costau Ychwanegol

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

Teithio i'r campws ac oddi yno
Costau argraffu, llungopïo, rhwymo, deunydd ysgrifennu ac offer (e.e. ffyn USB)
Prynu llyfrau neu werslyfrau
Gwisgoedd ar gyfer seremonïau graddio

Gyrfaoedd a Chyflogadwyedd

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
Cyngor ac arweiniad unigol gan Ymgynghorwyr Gyrfaoedd proffesiynol
Cymorth i chwilio am swyddi, interniaethau, lleoliadau gwaith a chyfleoedd gwirfoddoli
Mynediad i adnoddau gwybodaeth am amrywiaeth eang o bynciau rheoli gyrfa
Cyngor ac arweiniad ar astudio a chyllid i fyfyrwyr ôl-raddedig.
Ariannu i gefnogi cyfleoedd interniaethau myfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Cymorth Academaidd

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

Ysgrifennu academaidd
Mathemateg ac ystadegau
Meddwl critigol
Rheoli amser
Sgiliau digidol
Sgiliau cyflwyno
Cymryd nodiadau
Technegau adolygu, dysgu ar gof ac arholiadau
Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Cymorth Academaidd yn Ysgol y Gyfraith ac Ysgol y Gwyddorau Cymdeithasol

Neilltuir Tiwtor Personol i bob myfyriwr ym mhob un o adrannau'r Gyfraith a Gwleidyddiaeth i helpu gyda'r canlynol:

Arweiniad academaidd
Cynllunio datblygiad personol
Arweiniad ynghylch dod o hyd i gymorth gyda materion personol (sy'n effeithio ar eich lles, eich presenoldeb a'ch dilyniant drwy'r Brifysgol)

Ceir cynrychiolwyr myfyrwyr ym mhob blwyddyn o'n rhaglen yn ogystal â chynrychiolwyr ysgol ar gyfer myfyrwyr israddedig. Mae gan yr Ysgol hefyd Swyddfa Gwybodaeth i Fyfyrwyr benodol a fydd yn gallu cynnig cymorth academaidd drwy gydol eich astudiaethau.

Cyfleoedd Astudio Tramor a Byd-eang

I ddysgu mwy am astudio dramor, ewch i'n tudalennau gwe Go Global. Nid yw cofrestru ar raglen sy'n cynnwys semester/blwyddyn dramor yn gwarantu lleoliad gwaith semester/blwyddyn dramor yn awtomatig. Mae nifer gyfyngedig o leoedd ar gael ac yn amodol ar broses ddethol gystadleuol. Os na fyddwch chi'n llwyddo i ennill lleoliad gwaith semester/blwyddyn dramor, cewch chi eich trosglwyddo i gwrs safonol eich cynllun gradd heb semester neu flwyddyn dramor.

Mae rhaglenni rhyngwladol yr haf ar agor i fyfyrwyr o bob ysgol. Fel arfer, mae rhaglenni'n para o 2 i 6 wythnos, ar draws cyrchfannau megis Tsieina, Sambia, De Corea, Siapan, Canada a ledled Ewrop. Am ragor o wybodaeth ynghylch rhaglenni a chymhwysedd, ewch i'n tudalennau gwe Haf Dramor.

Sut i wneud cais

Gwnewch gais nawr - myfyrwyr y DU, UE a rhyngwladol.

Cewch wybod mwy drwy ymweld â'n tudalen ar sut i wneud cais

Dyddiadau Cau Ymgeisio

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.

Gwybodaeth Ychwanegol

Cymdeithasau Myfyrwyr

Yn Abertawe, mae gennym ystod o gymdeithasau sy'n canolbwyntio ar y Gyfraith a Gwleidyddiaeth, sy'n cynnig cyfleoedd i chi gwrdd â chyd-fyfyrwyr a chymryd rhan mewn amrywiaeth o weithgareddau. Cynhelir y cymdeithasau hyn gan fyfyrwyr i fyfyrwyr ac maent yn cynnwys:

Manylion cyswllt

Ymholi ynghylch materion israddedig

Dylai myfyrwyr rhyngwladol gysylltu â'n Tîm Rhyngwladol